Kêng măng 3/6, ta nkuăl ƀon têh Buôn Ma Thuột, Dak Lak geh bôk nau kan tâm mâp ƀư nau kan pâl n’aih đah n’gor Dak Lak ndrel Bang Kerala (Ấn Độ). Tâm rơh rƀŭn, Groi Kruanh UBND n’gor Dak Lak Nguyễn Thiên Văn mbơh mpeh nau geh, nau dăng bah nau kan pâl n’aih Dak Lak. Ngăn lah tâm nê geh ăp nau kan pâl n’aih tâm dăch ma rveh, pâl n’aih hưt nuih, pâl n’aih nsum mpôl uănh ăp nau vay ơm ăp rnoi tâm ntŭk.

Nŭih gŭ kan ntoh măt bah Ấn Độ tâm nkuăl ƀon têh Hồ Chí Minh, wa Madan Mohan Sethi mbơh: rmôt kan tăch rgâl bah Ấn Độ hŏ ndrel dôl geh ăp rnôk tâm mâp, ƀư nau kan pâl n’aih tâm âk n’gor, nkuăl ƀon têh ta Việt Nam. Wa Madan Mohan Sethi ŭch mra ndâk dơi ăp nau kan nâp nâl tâm nau tâm boh kan nsum đah 2 dak lah rjaơ, đah bang Kerala đah ăp n’gor, nkuăl ƀon têh bah Việt Nam lah êng. Rnôk aơ, ntoh măt 2 ding kí ton 11 nau nkah tâm boh tâm nau kan leo ntrong pâl n’aih ndrel gŭ rlu./.