Kêng măng 6/6, ta nkual ƀon têh Đà Lạt, N’gâng kan Thông tin n’hanh Truyền thông tâm rgop đah UBND n’gor Lâm Đồng ƀư rƀŭn nchră tiăr nti truyền thông mpla nsơ rup ndah Việt Nam. Râng rƀŭn nchră geh rlău 300 đại biểu ntoh măt du đêt n’gâng kan, ban, nău kan Trung ương, kruanh Ban ntĭm rđău trong kan thông tin đối ngoại 63 n’gor, nkual ƀon têh tâm dak n’hanh N’gâng kan ntĭm rđău Tahen n’har bri ăp n’gor n’har bri.

Rƀŭn nchră lĕ an âk mông nar mbơh rblang, djăt du đêt nău mhe Nghị quyết mrô 47 bah Chính phủ mpeh Bôk nău kan ƀư bah Chính phủ tât năm 2030, ƀư tĭng N’glôn jêh bah N’gâng kan Chính trị mpeh n’hao uĕh, săk rnglăy trong kan thông tin đối ngoại tâm nu nău mhe. Rƀŭn nchră mĭn lah, ƀư tĭng uĕh trong kan thông tin đối ngoại mbra kơl băl bên lam ntŭr neh gĭt tât nu nău mpeh Việt Nam du trong di na nê̆. Tă bah wât di mpeh neh dak, kon nuĭh Việt Nam, kơl ƀư tĭng nău kan tâm rnglăp bah dih pơk hvi, âk trong tâm rgop, âk trong tâm boh lam ntŭr neh n’hanh rgum lăp wăng sa lam ntŭr neh bah neh dak he.