Lơ 18/6, Rmôt nŭih geh nau gĭt blau bah n’gor Dak Lak ƀư tâm nchră “Nau dơi bah bu ur geh nau blau tâm nau mât ndrel ƀư ueh nau ơm yau rnoi mpôl tâm nau kan ndâk njêng n’gor Dak Lak sâm geh, ueh mhe, âk nau”. Tâm rnôk tâm nchră, nŭih ƀư mĭn nau kan ơm yau Linh Nga Niê Kđăm, mbơh: Bu ur lah nŭih tơm khlay tâm nau mât, pă nau dơi khlay ân nau vay ơm bah ăp rnoi nŭih. Ngăn lah, bu ur geh nau blau bah Dak Lak, đah nau dơi bah nơm, hŏ ƀư ueh nau kan đah Ngih dak, đah rnăk vâl ndrel ntŭk rêh jêng.

Tâm n’gor Dak Lak rơh rlau aơ hŏ geh âk nau blau, nau mĭn kan khoa học, nau kan mât ndrel ƀư ueh ăp nau khlay bah nau ơm yau ăp rnoi mpôl yor bu ur ndâk ƀư geh nau dơi ndrel trêng nau ŭch hvi. Tâm rnôk tâm nchră, ntoh măt ăp ntŭk kan mât Ngih dak kŏ mbơh mpeh nau mât kan, nau mĭn gay mât, ƀư ueh tĭng nau vay ơm bah rnoi mpôl; nau kan nkoch trêng, bonh đă bu ur, ngăn lah bu ur rnoi mpôl đê̆ râng mât ndrel ƀư ueh nau ơm yau./.