VOV4.Mnông – Thành ủy TP HCM mhe ƀư rƀŭn mâp măt nkah gĭt 46 năm Nar rklaih đăp mpăn miền Nam, kơp dơn ngoay neh dak (30/4/1975-30/5/2021). Ta nar rƀŭn mâp măt, kruanh TP HCM lĕ ƀư an ndơ rnê nkhôp ngih dak “Mê̆  Việt Nam janh dăng” rơh 42 đah 14 mê̆ lĕ geh sai, kon khĭt yor nău kan rklaih đăp mpăn rnoi mpôll ndâk njêng n’hanh mât njrăng neh dak.

Nkual ƀon têh HCM mâp măt nkah gĭt 46 năm Nar rklaih đăp mpăn miền Nam, kơp dơn ngoay neh dak

Ntoh ngơi ta nar ƀư, Bí thư Thành ủy TPHCM Nguyễn Văn  Nên lah rjăp, tâm lịch sử nsrôih ndâk njêng neh dak n’hanh mât neh dak bah rnoi mpôl he, nău khlay 30/4/1975 lah ngoay tâm âk nău nchrat ang ngăn, geh têh dăng neh dak n’hanh lam ntŭr neh. Bí thư Thành ủy TP. HCM nkoch nău nkah gĭt ăp nuĭh lĕ nsơr n’hâm soan, nting m’ham nơm an nău kan rchăng n’gang sŏk nău đăp mpăn rnoi mpôl, dah rŏng n’hanh kơp dơn neh dak, yor uĕh lăng bah nuĭh ƀon lan. Nău aơ mô knŭng geh nkô̆ nău way ơm, ntô̆ nău ăp nău khlay lịch sử ma hôm di an nkoch trêng tay nuih n’hâm rŏng dak, nău rêh, nău ŭch, n’hâm soan, nchrăp an lĕ săk yor neh dak, yor ƀon lan.

Nuĭh rblang: Y Sưng Phê Ja