VOV4.M’nông – Nkah gĭt 90 năm Nar ndâk njêng đoàn thanh niên Cộng sản HCM, ăp nar bah năp, ta nkuăl dŭt jêr jŏt M’Drăk, n’gor Dak Lak lĕ ƀư âk nău kan druh ndăm n’gôr răm ŭch êng yor nău rêh nsum mpôl. Aơ knŭng lah ngoay tâm ân ndơ ƀư ŭch êng yor nău rêh nsum mpôl ma rmôt druh ndăm ta nkuăl M’Drăk ƀư tĭng tâm khay bah năp. Nô Nông Anh Dũng, Bí thư nkuăl đoàn M’Drăk, an gĭt, ndrel đah ăp nău ƀư koaih rwach ntŭk ntô gŭ âm, tăm tơn si yôk hil, druh ndăm ta ntŭk rgum tâm ăp nău kan khlay kơt:

Druh ndăm ndrel soan tâm rgop mpoh ang trong ƀon Pa, xă Cư Prao

kơl nuĭh ƀon lan nkual n’glău dak bât Krông Pach thượng ta xă Cư San trơn ntŭk gŭ mhe, ƀư jay tâm kơl, ƀư ntŭk pâl rlưn an kon se, ƀư ntung ƀon lan dŏng. Ăp nău ƀư rƀŏng tât nkual jru ngai, nkual rnoi mpôl đêt. Nô Y Dhun Mlô, nuĭh ƀon Pa, xă Cư Prao, nkuăl M’Drăk dŭt rhơn yor druh ndăm ƀư ndơ “Mpoh ang trong ƀon nơm”.

Nuĭh rblang: Y Sưng Phê Ja