VOV4.M’nông - Ban Thường vụ N’gor ủy Dak Lak mhe ƀư rƀŭn nchră n’glôch jêh 10 năm ƀư tĭng Nghị quyết mrô 03 n’hanh mbơh ƀư Nghị quyết mrô 8 bah N’gor ủy mpeh ndâk njêng ƀon lan mhe. Rlău 10 năm đah nău lăp bah lĕ trong chính trị bah n’gor tât ƀon lan, lơn lah nău kơl bah nuĭh ƀon lan tâm n’gor, Dak Lak lĕ dơi geh âk săk rnglăy khlay tâm ndâk njêng ƀon lan mhe.

Kruanh n’gor Dak Lak khâl ndrơng ndơ ntĭt mpơl êng bah n’gor

Dak Lak nsrôih tât năm 2025 geh rlău 25% rnoh xă tâm di ƀon lan mhe; geh 4/15 ntŭk kan gưl nkuăl geh tâm di ƀon lan mhe n’hao prêh; nău geh rĭng bah nuĭh ƀon lan geh bah 3 sao let lơ. Gay dơi geh nău rƀŏng aơ, N’gor ủy Dak Lak đă ăp gưl ủy đảng mĭn uănh tay nău hun hao lŏ mir, ƀon lan lah nău kan lor bah trong chính trị n’hanh lĕ nău kan bah lam kon nuĭh; n’hao prêh lơn tay nău wât, rgâl mhe nău mĭn tâm hun hao lŏ mir, ƀon lan, nuĭh ƀon lan ndâk njêng ƀon lan mhe

Nuĭh rblang: Y Sưng Phê Ja