Bôk nău kan rdâk njêng ƀon lan mhe dôl nsĭt tay nău geh tam uĕh ta n’gor Dak Nông, muh măt ƀon lan nar lơn ma ntơr uĕh. Aơ lah nău dơi  geh ntoh lư dơi nkoch  luh ta Tâm nchră sơ kết 3 năm tĭng ƀư bôk nău kan rdâk njêng ƀon lan mhe lvang năm 2021- 2025 n’gor Dak Nông ƀư nar ntri (28/9).

Kơp tât khay 9/2023, n’gor Dak Nông geh 36/60 xã di rnoh rdâk njêng ƀon lan mhe, hao 7 xã rđĭl đah năm 2020, tâm nê geh 1 xã di rnoh rdâk njêng ƀon lan mhe ntop n’hao tay, geh 80% trong nchrăp geh 43 xã di rnoh rdâk njêng ƀon lan mhe tâm năm 2025. Rĭng lam n’gor geh bơi 17 rnoh ntil ndơ, mô hôm geh xã ta nâm 10 ntil nău kan. Bôk nău kan rdâk njêng ƀon lan mhe gưl neh dak dơi uănh lah nsĭt tay nău dơi tam an n’gor Dak Nông. Ntơm bah nê ntrôl ngăch hun hao wăng sa rêh jêng kon nuĭh, n’hŭch ach o, tĭng kơn rgop ơm ndơ̆ n’gor Dak Nông jêng n’gor hun hao geh mbơm bah nkual Tây Nguyên tĭng rnoh ŭch tât kan Đại hội Đảng bộ n’gor XII n’gluh./.