VOV4.M’nông.- Ôi nar 30/9, UBND n’gor Dak Nông ƀư rơh mbơh tơih nău ntrŭnh bâh Thủ tướng chính phủ, kơp dơn nkuăl ƀon têh Gia Nghĩa ƀư lôch nău kan rdâk njêng nkual ƀon lan mhe n’hanh vơt dơn Huân chương lao động hạng pe bâh kruanh dak pă an. Bâh 10 năm rdâk njêng nkual ƀon lan mhe, tât năm 2020, 2 xã bâh nkuăl ƀon têh lĕ geh kruanh UBND n’gor Dak Nông kơp dơn nău mpŏng nkual ƀon lan mhe.

Ta nău ntrŭnh mbrô 472 nar 18/4/2022, Thủ tướng Chính phủ lĕ kơp dơn nkuăl ƀon têh Gia Nghĩa ƀư lôch nău kan rdâk njêng nkual ƀon lan mhe. Ntoh ngơi ta rơh lễ, wa Đỗ Tấn Sương, kruanh UBND nkuăl ƀon têh Gia Nghĩa an gĭt, lôch ƀư lôch 19/19 nău mpŏng nkual ƀon lan mhe, nău rêh ăp xã ta nkuăl ƀon têh geh âk nău rgâl mhe, nău wăng sa hun hao âk, nău kan wăng sa geh nău rgâl mhe ueh. Nău geh du hê bôk nuĭh ta ăp xã aƀaơ kanŭng hôm rlău 53 rkeh prăk/hê/năm, hao 2,6 tơ̆ đah năm 2011. Nkuăl ƀon têh aƀaơ hôm 146 rnăk ach o, geh 0,77%. Aơ lah bôk nău kan bôk năp gay ma Gia Nghĩa an geh hun hao tay tâm let năp tay.

VOV Tây Nguyên/ Nuĭh rblang: Thị Đoắt