Ta rơh ntơm hăn kan rdâk njêng nkual ƀon lan mhe n’hanh nkuăl ƀon têh ueh mhe bôk năm Quý Mão 2023, 10 nkuăl, nkuăl ƀon têh bâh n’gor Kon Tum mbơh tơih ƀư tĭng dâl âk nău kan na nê̆ gay ma rdâk njêng nkual ƀon lan mhe n’hanh nkuăl ƀon têh mhe, kơt lah ƀư trong bê tông nkual ƀon lan, ntơm mbơh trong hăn mât uănh kloh ueh nđirr, mbơh tơih kĩ thuật, tơm ntil an ƀon lan hun hao pah kan jan sa...Kơp tât lĕ năm 2022, n’gor Kon Tum lĕ geh 36 xã geh kơp dơn tâm di nău mpŏng nkual ƀon lan mhe, tâm nĕ geh 4 xã geh tâm di nkual ƀon lan mhe n’hao n’hanh 7 thôn geh tâm di nkual ƀon lan tĭng trong mhe.

Đah 11/11 xã geh tâm di mpŏng nkual ƀon lan mhe, nkuăl ƀon têh Kon Tum lah ntŭk leo bôk năp bâh n’gor tâm nău ƀư tĭng bôk nău kan nkô̆ mpŏng ngih dak rdâk njêng nkual ƀon lan mhe. Nar 10/1 mhe nơh, nkuăl ƀon têh kon Tum lĕ geh Thủ tướng chính phủ ký nău ntrŭnh kơp dơn lah nkuăl ƀon têh ntil 2 bâh n’gor Kon Tum mât uănh.