Ôi nđaơ (28/10), UBND n’gor Lâm Đồng ƀư mbơh nkuăl Lâm Hà-nkual wăng sa mhe Hà Nội ta Lâm Đồng tâm di ƀon lan mhe n’hanh wơt dơn Huân Chương lao động hạng Pe. Rlău 35 năm ndâk njêng n’hanh hun hao, 10 năm ƀư tĭng Bôk nău kan rƀŏng tĭng Lam dak ndâk njêng ƀon lan mhe, nkuăl Lâm Hà-nkual wăng sa mhe bah nuĭh Hà Nội ta neh Lâm Đồng lĕ jeh njoăt hun hao lĕ rngôch ta ăp ntil.

Tât aƀaơ, rĭng geh bôk nuĭh rlău 52 rkeh prăk, hao rlău 2,5 tơ̆ nkôp đah 10 năm bah năp; rnoh rnăk ach o hŭch âk aƀaơ knŭng hôm 1,68%; 100% xă dơi kơp dơn tâm di ƀon lan mhe; lah nkuăl tal 5 bah n’gor Lâm Đồng dơi thủ tướng chính phủ kơp dơn lah nkuăl tâm di ƀon lan mhe lvang 2016-2020; n’hanh lap dơi Kruanh dak an nkhôm Huân chương lao động hạng Pe. Aƀaơ, lam n’gor Lâm Đồng lĕ geh 107/111 xă tâm di ƀon lan mhe, 2 nkual ƀon têh lôch jêh nău kan ndâk njêng ƀon lan mhe n’hanh 5 nkuăl dơi kơp dơn tâm di ƀon lan mhe.