Rdâk njêng tay ƀon tơm Đăk Hà nar lơn ma  geh ndrŏng, rsang rnglăy, kon nuĭh Đăk Hà “Tâm rnglăp, hun hao ngăch, blău mhe, dêh bên, nău tâm rŏng”; rdâk njêng nkuâl tât di ƀon  lan mhe tâm năm 2025 – lah nău lah rjăp bah kruanh rđău kan Đăk Hà, n’gor Kon Tum ta rơh Lễ nkah ndray 30 năm Nar njêng nkuâl (24/3/1994 - 24/3/2024) mhe dơi ƀư.

Ta Lễ nkah ndray 30 năm Nar njêng nkuâl,  kruanh rđău kan Đăk Hà, n’gor Kon Tum lah rjăp, rdâk njêng tay ƀon tơm Đăk Hà nar lơn ma geh ndrŏng, rsang rnglăy,  kon nuĭh Đăk Hà “Tâm rnglăp, hun hao ngăch, blău mhe, dêh bên, nău tâm rŏng”; rdâk njêng nkuâl tât di ƀon  lan mhe tâm năm 2025 gay rdâk njêng di đah săk ntơ Anh hùng lao động rơh rgâl mhe ma năm 2008 Đảng, Ngih dak hŏ ntăm an. Gay tât jêng nkuâl ƀon lan mhe  lor bôk năp bah n’gor Kon Tum tâm năm 2025, nkuâl Đăk Hà tĭng ƀư âk trong nkra, tâm nê rgum mât dŏng geh nău tam ăp săk geh, dơh uĕh gay hun hao tăch rgâl – rhŏ dŏng nkre đah nău rdâk njêng ăp ndơ geh ƀư ntĭt êng tĭng rêng rnoh khlay; hun hao pâl nđaih nsum mpôl, pâl nđaih âk ndơ gŭ rêh, pâl nđaih tuch tăm jêng n’gâng kan hun hao wăng sa tơm khlay./.