Ôi 17/2, Bộ Nông nghiệp n'hanh Phát triển Nông thôn ƀư Tâm nchră lam dak lam trong kan Văn phòng tâm pă nău kan ƀon lan mhe ăp gưl năm 2023.  Năm 2023, lam dak n'gluh rnoh tât kan nklăp 78% xã di rnoh rdâk njêng ƀon lan mhe; dŭt đêt 270 đơn vị gưl nkuâl dơi kơp dơn di rnoh ƀon lan mhe, geh 7- 8 n'gor/nkual ƀon têh dơi kơp dơn ƀư lôch jêh nău kan rdâk njêng ƀon lan mhe.

Tĭng Văn phòng tâm pă kan rdâk njêng ƀon lan mhe, ăp n'gor ân ntrôl dăng lơn pah kan nkoch trêng, rgâl nău mĭn mpeh rdâk njêng ƀon lan mhe nkre đah rdâk njêng "Tuch tăm mât rong nđĭr uĕh, ƀon lan têh mhe, ƀon lan kan lŏ mir gĭt blău". Rđău đă ta rnôk tâm nchră, Bộ trưởng Bộ Nông nghiệp n'hanh Phát triển Nông thôn Lê Minh Hoan an lah: Rdâk njêng ƀon lan mhe dơn uănh năl nsing tâm nău geh bah nuĭh ƀon lan, mô tâm râp nsum, ma rdâk njêng ƀon lan mhe ân nsing tâm rnoh khlay văn hoá săk ntơr uĕh, ntoh lư êng bah ăp n'gor, bah ăp ƀon lan.