Năm 2023, n’gâng kan mât uănh ntung trong lĕ rgum uănh nđôi, ƀư lôch n’hanh n’hao nău dơi rdâk njêng, nău kơl kan n’hanh lĕ dơi geh âk nău geh khlăy. Nău tơm lah ntrôl pă kan, pă nău dơi leo kan ta ăp trong kan mât uănh ngih dak bâh n’gâng kan mât uănh ntung trong .

Ngăn lah mpeh nău mhe hun hao ndơ dŏng , đah ntơm ƀư mhe 26 nău nchrăp kan, tâm nĕ rhoăt gleh mông nar ntơm ƀư nău kan mbrô 6 nău nchrăp kan dŭt khlăy ngih dak n’hanh rơh bôk năp ƀư tĭng ntơm ƀư tâm ndrĭh tĭng trong trực tuyến. Lĕ ƀư lôch, ndơ̆ lăp dŏng 20 nău nchrăp kan, tâm nĕ êng trong hăn têh đah 09 nău nchrăp kan jong 47km, n’hao lĕ rnoh jong trong neh hăn lăp dŏng ta lam dak hao bơi tât 1.900km. Ta rơh rƀŭn nchră, ăp đại biểu ndơn kan an ăp n’gâng kan, ntŭk kan , ăp doanh nghiệp, hiệp hội lĕ geh ntoh ngơi tâm nchră gay ma uănh năl ăp nău dơi geh, ăp nău kŏ khan, mô dơi, ăp nău jêr, kŏ văk, tâm nkoch ăp nău tă blău kan di, trong kan ueh, mĭn kan di, săk rnglăy tâm trong kan, mbơh dăn đă kơl an n’gâng kan mât uănh ntung trong an geh ƀư lôch ueh nău kan ăp nkô̆ mpŏng, ngluh mbơh tâm nam 2024.