VOV4.M’nông: Tâm rnôk 4h kêng măng naơ, 8/10 (tĭng mông Hà Nội), ta Viện Nobel Na Uy ta Thủ đô Oslo (Nauy), 2 nhà báo nŭih Philipines ndrel Nga lah Ma-ri-sa Rét-sa ndrel Đmi-tri Mu-ra-tóp hŏ geh rnê nkhôm giả Nobel Hoà Bình. Uỷ ban pă nkhôm mbơh 2 nŭih geh nau dơi nkhôm năm aơ “ntoh măt ân ăp nhà báo janh mât nau mĭn, nau kan ân du ntur neh ma báo chí dôl ma rdâng mâp đah ăp nau tât nar lơn ma mô ueh”. Tĭng nau tă bah Uỷ ban pă nkhôm, jêh 20 năm ƀư phóng viên Đài CNN (Mỹ) wa Ma-ria Rét-sa hŏ sĭt Philippines ndrel râng kơl ndâk báo Rappler năm 2012. Báo Rappler hŏ ntrŭt dăng nau kan báo chí mêt uănh ăp nau kan mpeh nau rêh bah Philippines, nkre kŏ dun lơi ngăn ăp nau kan ma ăp ntŭk nkoch mbơh nau tâm nau rêh dôl ma dŏng gay ma nkoch mbơh ăp nau mô geh ngăn, ƀư rlăm, ƀư mô ueh bah ăp nŭih kơl nau kan ndrel ƀư dâng ăp nau tâm nchră bah ƀon lan. Tâm rnôk nê, nhà báo Nga Dmitri Mu-ra-tov lah tổng biên tập bah n’ha báo ƀư kan êng Na-va-ya Ga-ze-ta, ntŭk ma păng ƀư pah kan ntơm năm 1995 tât năm 2017. Kơp ntơm rnôk geh ndâk tâm năm 1993, No-va-ya Ga-ze-ta lah n’ha báo ntoh lư ngăn mpeh nau nkoch mbơh nau tâm di ngăn geh tât nau kan sa khâm, tâm lơh, ƀư rlăm./.

Nŭih rblang: H’Thi