VOV4.M’nông: Tĭng Thương vụ Việt Nam ta Lào, tâm prao khay bôk năm 2021, nsĭt geh tăch rgâl bar ding đah Việt Nam n'hanh Lào geh rlău 671 rkeh đôlar, hao 36,5% rđĭl đah ndrel khay dja; tâm nê tăch n'gluh geh rlău 329 rkeh đôlar, hao 19,1%, rvăt n'glăp geh rlău 341 rkeh đôlar, hao 58,9%. Rđĭl đah ndrel khay dja năm 2019, rnôk mô hŏ geh nuh srê, nsĭt geh tăch rgâl bar ding hao 16,6%. Êng khay 6/2021, nsĭt geh tăch rgâl bar ding Việt Nam – Lào tât rlău 100 rkeh đôlar. Ăp ndơ tăch n'gluh tơm khlay bah Việt Nam tât Lào lah bok ao geh tât rlău 1 rkeh đôlar; ndeh rdeng ndơ n'hanh ndơ ntrŭp nkra ndeh bơi 5 rkeh đôlar; máy móc, ndơ ntrŭp, ndơ dŏng kan n'hanh ndơ nkra ndeh geh bơi 5 rkeh đôlar; pring xăng geh rlău 1,5 rkeh đôlar.../.

Nuĭh rblang: Điểu Thân