VOV4.M’nông – Nar 21/10, ta Brucxel, dak Bỉ ntơm ƀư rƀŭn nchră Kruanh N’gâng kan mât njrăng bri dak ƀư Hiệp ước Bắc Đại Tây Dương (NATO). Ƀư tâm rnôk, tâm boh Nga-NATO dôl jŭr đêt ngăn jêh rnôk Nga mbơh ntĭl mpôl nuĭh ntoh măt tâm rnglăp nchră nău Nga ta 2 tahen aơ, rlău ma ăp nău tâm bôk nău kan khlay lĕ ƀư trong nchrăp, rƀŭn nchră NATO rơh aơ mbra an âk mông nar gay tâm nchră trong mkra rgâl uĕh tâm boh đah Nga. Nău aơ lĕ dơi Tổng thư ký NATO Jens Stoltenberg an gĭt ta rơh rƀŭn mbơh ƀư nar 20/10. Tĭng Tổng thư ký NATO, nău tâm boh đah NATO n’hanh Nga dôl ta rnoh đêt ngăn kơp bah jêh tâm lơh tâm rkeh. NATO sŏk nău yô̆ đah nău ntrŭnh mhe aơ bah Nga an rlu nău ƀư bah ntoh măt tâm rnglăp nchră nău dak aơ ta NATO. Yơn lah, NATO hôm đă tâm nchră đah dak aơ.

Nuĭh rblang: Y Sưng Phê Ja