VOV4.M’nông: Kêng măng 26/4, Kruanh n’gâng kan Lao động-Thương binh ndrel Xã hội tâm rgop nsum đah Ban thư ký ASEAN, bôk nau kan tâm boh nkuăl ASEAN tâm nau ntĭm nti nau kan ƀư ntơm ntŭk “Mbơh nau mĭn nkra nkuăl mpeh nau mra dơi hun hao nŭih pah kan tâm ASEAN” tĭng nau kan trực tuyến. Rơh tâm nchră geh nau râng bah Ban thư ký ASEAN, bôk tơm ƀư nau pah kan, ntĭm nti ndrel văng sa bah ăp dak kan nsum ASEAN, ntoh măt ân ăp ntŭk kan bah ASEAN ndel du đê̆ ntŭk kan bah dak ba dih geh tât. Aơ lah nau kan gay ntrŭt dăng nau ƀư ân ueh nau ton ASEAN mpeh nau hun hao nau kan ân dak ba dih tâm nau kan dôl geh rgâl. Nau mbơh ndŏ luh ăp nau kan gay ntrŭt dăng nau ntĭm nti lôch nau rêh ndrel ăp nau kan mra geh ân rơh ba kơi. Bah nê, đă ƀư ăp nau kan tâm gưl nkuăl ndrel lam ntur neh gay ntrŭt dăng nau kan kơl an mpeh hun hao nau dơi ân lam ntur neh pah kan dôl geh nau rgâl./.

Nŭih rblang: H’Thi