VOV4.M’nông: Ôi lơ 27/4, ta Ngih kan Quốc hội, ntơm rƀŭn tal 55 bah Uỷ ban Rnâng kan Quốc hội, Geh tâm du nar, rơh tƀŭn nchră aơ bah Uỷ ban Rnâng kan Quốc hội rgop nau bôk năp mpeh nau nchrăp ân rơh rƀŭn tal bôk năp, Quốc hội gưl 15. Uỷ ban Rnâng kan Quốc hội uănh, ntrŭnh mpeh nau dŏng têm ndrel tơm prăk hôm e bah trung ương năm 2020. Nchră tât nau geh bah rơh rƀŭn tal 11, Quốc hội gưl 14 ndrel rgop ăp nhoat bôk năp mpeh nau nchrăp ân rơh rƀŭn bôk năp, Quốc hội gưl 15. Uănh, ntrŭnh nau pă dŏng tơm prăk hôm e bah nau ntrŭnh 324 bah Uỷ ban Rnâng kan Quốc hội giưl 14 gay ntuh kơl ndâk nau kan bah Ntŭk kan ntoh măt Việt Nam tâm lvang năm 2021-2025. Uănh nau ntrŭnh ntop tay tơm prăk rvăt vắc xin, dak si nkhĭt kman ndrel grăp ntil tăm neh dak. Kŏ ta nar rƀŭn, Uỷ ban rnâng kan Quốc hội uănh, ntrŭnh nau ndâk, rgâl tay moh ntŭk kan hành chính tâm 5 n’gor, nkuăl ƀon têh, geh: Hà Nội, Thừa Thiên Huế, Thanh hoá, Đồng Nai, Tuyên Quang./.

Nŭih rblang: H’Thi