VOV4.M’nông:  Ôi lơ 24/3, ntơm rơh rƀŭn tal 11, Quốc hội gưl 14. Tổng thư ký Quốc hội Nguyễn Hạnh Phúc mbơh, gay đăp mpăn ân tâm ban tâm nau kan nŭih kan bah Đảng, Ngih dak, Quốc hội mra dŏng nklăp 7 nar gay ma uănh, nchrăp ngăn du đê| nau rđau kan tơm bah Đảng ndrel Ngih dak. Quốc hội rơh aơ knŭng uănh du đê| rđau kan tơm bah Ngih dak, mô kâp uănh nchrăp dĭng lĕ ndrel aơ lah nau kan ân gưl 14. Jêh rnôk rơh săch kan geh tât, tât khay 7 năm aơ, Quốc hội mra lŏ nchrăp ƀư ân nâp nŭih kan ân gưl 15 ndrel nau ndơn nau kan hôm geh nâm ơm kơt nau ntrŭnh. Nchrăp rơh rƀŭn aơ Quốc hội mra ân nsrŭng kan đah du đê| rđau kan tơm bah Đảng, Ngih dak, nkre săch nŭih ndơn rgâl ăp ntŭk kan aơ đah nau nklăch phiếu mpôn. Ndrel ma nê. Quốc hội mra ntơm săch, mô hôm ân kan đah ăp nŭih rđau kan ntŭk kan Ngih dak, geh: Groi Kruanh dak, du đê\ Groi Kruanh Quốc hội ndrel Kruanh Uỷ ban bah Quốc hội, Tổng kiểm toán Ngih dak, Tổng thư ký Quốc hội, du đê| Groi Thủ tướng, Kruanh n’gâng kan ndrel nuĭh kan êng bah Chính phủ. Êp nê, Quốc hội mra mô hôm ân kan, ân geh săch mhe đah Kruanh Hội đồng săch kan neh dak./.

Nŭih rblang: H’Thi