VOV4.M’nông: Rmôt hăn kan bah N’gâng kan neh dak yor Trung tướng Phùng Sĩ Tấn, Groi Kruanh rđau kan tahen ƀon lan Việt Nam ƀư Kruanh hŏ leo tơm tât khâl, pah kan đah UBND n’gor mpeh nau kan rklaih ntrơn ntŭk bah bôk nau kan nkra trong Trường Sơn Đông tâm n’gor Dak Lak. Bôk nau kan trong Trường Sơn Đông rlet n’gor Dak Lak jong 126km. Tât rnôk aơ, hŏ jêh nkra, leo dŏng ndrel jao 52 km. Năm 2020, ntrŭnh nkra 13 nau kan, Yơn lah, yor geh nau khuch bah nau ntrơn ntŭk gay ma nkra ri tâm n’gor geh ntrŭnh mbrơi. Ta nar pah kan, Trung tướng Phùng sĩ Tấn đă rđau kan n’gor Dak Lak kơl an, rđau đă ntŭk kan tâm rgop nsum đah Rnâng kan ƀư bôk nau kan gay ntrŭnh ngăch ăp nau kan, nau ntrơn ntŭk gay ma ngăch geh nkra. Rđau kan UBND n’gor lah rjăp mra pơk trong nơih ueh gay nau kan geh ƀư tâm di nau nchrăp, uănh aơ lah nau ueh gay n’gor hun hao văng sa, rêh jêng geh nsum ma nau mât neh dak, rnă njrăng./.

Nŭih rblang: H’Thi