VOV4.M’nông – Nkhêp di nkah gĭt 45 năm ndâk njêng tâm boh tâm rnglăp nchră nău Việt Nam-Ethiopia (1976-2021), Kruanh n’gâng kan tâm rnglăp nchră nău Bùi Thanh Sơn lĕ kuăl tâm nchră đah Groi Thủ tướng, Kruanh n’gâng kan tâm rnglăp nchră nău Ethiopia Demeke Mekonnen gay tâm nchră mpeh kan ndrel ăp ding n’hanh tâm rgop ăp rƀŭn nchră ăp ding. Ta kuăl tâm nchră, 2 ding lĕ tâm nchră ăp trong mkra n’hanh trong ntrôl kan ndrel đah 2 dak tâm năm tât, tâm nĕ kơl lor n’hao tâm rgâl rmôt kan ăp gưl rnôk nu nău nuh srê covid-19 dơi uănh nđôi, uănh khlay pơk hvi kan ndrel wăng sa, mĭn njêng ăp trong ƀư kan ndrel kơt jêh trong pháp lý gay nta nơih an kan ndrel ăp ding. 2 ding tâm rgâl du đêt nău tâm nkual n’hanh lam ntŭr neh ndrel uănh, Kruanh n’gâng kan Bùi Thanh Sơn mĭn lah, Việt Nam kơl nău mkra ăp nău tâm pit lam ntŭr neh tă bah ăp trong đăp mpăn tĭng luật pháp lam ntŭr neh, tâm di đah Hiến chương Liên hợp quốc.

Nŭih rblang: Y Sưng Phê Ja