VOV4.Mnông- Rơh rƀŭn nchră tal 48 Ntŭk kan mât nău dơi kon nuĭh LHQ mhe geh mbơh Nghị quyết “Nău tât mô ueh bâh ăp nău klen tay bâh chủ nghĩa thực dân đah nău dơi kon nuih” yor Trung Quốc mbơh dăn. Ntoh ngơi ta rơh rƀŭn mbơh nar 11/10, nuĭh ntoh nău ngơi kruanh n’gâng kan nchră nău đah dak bah dih Trung Quốc Triệu Lập Kiên an gĭt, nău ntrŭnh yor Trung Quốc mbơh dăn lĕ nchŏng na nê̆ nău hôm nha klen bâh chủ nghĩa thực dân geh bâh âp ntrong kan êng êng kơt lah tŭn mpet nău wăng sa, mô tâm ban ta ntŭkj rêh jêng đah ăp ngih dak, tâm nkhah mpôl rnoi, ƀư tih nău dơi kon nuĭh ta ntŭk, ăp ntrong kan tâm lơh mbram kon dĭk n’hanh lơh khuch nău way ơm ueh êng...Lĕ rngôch nău nĕ ƀư mô ueh tât nău dơi kon nuĭh. Wa Triệu Lập Kiên lĕ lah na nê̆ nău khlăy bâh nău jut jăng ăp ntrong kan bâh chủ nghĩa thực dân n’hanh doh rklaih ăp nău mô ueh bâh chủ nghĩa thực dân đah nău dơi kon nuĭh.

Nuĭh rblang: Thị Đoắt