VOV4.M’nông – Tâm 24 mông bah năp, ta Nga lĕ saơ rlău 34.300 nuĭh ntưp Covid-19, aơ lah rnoh âk mhe ngăn kơp bah ntơm geh srê. Aơ lah nar tal 4 na nao dak aơ kơp dơn rlău 30 rbăn nuĭh ntưp srê tâm du nar. Khlay lơn tay rnoh nuĭh khĭt ta rnoh âk bah dâng 100 nuĭh du nar. Tâm nar bah năp, ăp nuĭh ntưp Covid-19 lĕ dơi kơp dơn ta lĕ rngôch 85 nkual bah dak Nga. Ăp nuĭh geh ntưp âk lơn lah ta thủ đô Matxcơva, St.Petersburg, jêh nĕ tay lah ta ăp nkual Samara, Nizhny Novgorod, Voronezh... Kruanh n’gâng kan dak si Nga Mikhail Murashko lĕ mbơh mpeh nău hao rnoh nuĭh ntưp Covid-19 hun hao “ngăch kơt nglăi”. Rnoh nuĭh khĭt dơi kơp dơn tâm 24 mông bah năp lah 997 nuĭh. Tĭng rnoh kơp, aƀaơ rnoh chôt srê ta ntŭk gŭ rêh geh 45%.

Nŭih rblang: Y Sưng Phê Ja