VOV4.M’nông: Nŭih ƀư nau bah Mỹ mpeh Triều Tiên-wa Sung Kim dôl geh rơh khâl 4 nar tât Hàn Quốc ndrel hŏ geh âk nau tâm mâp đah rđau kan dak tơm ngih, tâm rnôk nau duh jêr tâm gôl dak Triều Tiên geh tât nau ntĭm nti tahen nsum Mỹ-Hàn Quốc dôl geh. “Ŭch tâm nchră” ndrel “mô ŭch geh ƀư tâm rkeh”-nê lah nau tơm ma nŭih kan bah Mỹ njoăl tât Triều Tiên. Nar aơ, wa Sung Kim geh nau tâm mâp đah nŭih ndrel gưl kan Hàn Quốc Noh Kyu-duk, gay nchră mpeh nau kơl an ân ƀon lan Triều Tiên, kŏ kơt lah ăp nau kan gay ma leo neh dak aơ plŏ tay nau tâm nchră ndrak nsiu đah 2 nŭih kan bah Mỹ-Hàn Quốc mpeh nau kan Triều Tiên geh tâm nau duh jêr tâm gôl dak, jêh rnôk Triều Tiên dun lơi ngăn ăp nau ntĭm nti tahen nsum Mỹ-Hàn geh tâm 9 nar rlau aơ. N’gâng kan gưl prêh Triều Tiên hŏ nkhah Mỹ-Hàn mra rdâng đah du rơh rŭng răng mpeh nau mât rnă njrăng yor ƀư nau ntĭm nti tahen nsum./.

Nŭih rblang: H’Thi