VOV4.M’nông: Năm 2017, UBND n’gor Lâm Đồng ho\ ân [ư bôk nau kan ntuh kơl ndâk ntrong điện ân ma rhiăng rnăk mhe lăp gu\ ta Đạ M’pô tâm xã Liêng Srônh, nkuăl Đam Rông đah rnoh ntuh kơl bơi tât 5 rmen. UBND nkuăl Đam Rông ho\ jao ân ntu\k mât ndrel nkra ntu\k ntu nsum bah nkuăl [ư tơm ntuih kơl ân nau kan. Yơn lah, jêh bơi tât 3 năm, trong rse trung thế ho\ geh têk si\t nklâng thôn, yơn lah nu\ih [on lan ê do\ng điện ơm. Mô geh điện, nau nti bah kon se mô ueh, nu\ih [on lan mô gi\t nau mhe, nau rêh kơt lah tâm nkhah ngăn đah ba dih

Roh nklăp 30 mni\t ncho ndeh honđa ti\ng trong neh, rlet âk yôk sop ri mơ phung hên dơi tât tâm thôn Đạ M’Pô, xã Liêng Srônh, nkuăl Đam Rông, n’gor Lâm Đồng. Aơ lah ntu\k rêh bah bah rlau 200 rnăk nu\ih rnoi Mông ntrơn tă mpeh ba lơ lăp gu\. Bơi tât 20 năm rêh tâm nklang bri, ăp măng hôm mpoh u\nh kđen tâm nklang bri kro\ng hôm ơm ta aơ.

Wa Sùng Seo Giáo nkoch, rnôk mhe saơ bu ndâk n’gâng điện ri ăp nu\ih rhơn da dê. Geh ngih hôm rvăt lor glah piăng điện, tivi, tủ n’ik, ndri ma ho\ bơi tât 3 năm tât rnôk aơ điện ê geh:

‘Trong điện aơ têk tât ta aơ nklăp 3 năm hôm. Kônh wa u\ch ngăch ân geh điện mpoh ang, jêh ri geh máy ki\n ba, pom dak. A[aơ tăm cà phê kônh wa ngăn lah rtoh ma máy nchuăt ma pring yor ri ma prăk rvăt pring khlay ngăn, lah geh điện to\ đah mô tơ ri têm âk. Kônh wa u\ch n’gâng kan tâm nkuăl pơk trong nơih gay geh trong điện gay [on lan do\ng”.

Ntơm n’gor Vĩnh Long ti\ng kon bu klô tât tâm Thôn Đạ M’pô rêh rlau 15 năm ma aơ, rnăk wa Phạm Văn Chiến hôm ê geh do\ng điện mpoh ang tata du tơ\. Wa Chiến rngot ngăn, săk păng rêh bơi rlau n’gul nau rêh hôm, nau rêh mô điện, mô geh trong ho\ mơng, yơn lah yu\ ân kon sau:

‘Gâp ach o yor ri ma lăp rêh tâm aơ gay ma hăn kan ân bu joi ndơ rong rêh. Gâp u\ch Ngih dak kơl an nkra trong, pă điện ân kônh wa. Gay rnăk vâl geh do\ng điện ân ueh đê|, kon sau jêh aơ hăn nti ân bah oi nau jêr”.

Nau rvê bah wa Chiến lah nau rvê nsum bah âk rhiăng nu\ih [on lan ta Đạ M’Pô, tâm nê geh ăp kon se jê|. Oh Dương Thị Phương, kon se nti jrâu 8, ngih săm [u\t TNCS Sạ Rsar, Thôn Đạ M’Pô, xã Liêng Srông u\ch mô hôm nti play săm [u\t tâm u\nh kđen ndrel tât ngih săm [u\t ri trong dak bo\k tay ôh:

‘Gâp geh du nau u\ch lah geh trong ueh gay ma hăn nti dnrel geh điện gay ma ân hen nti\m nti ueh lơn”.

Mô êng rlau 200 rnăk [on lan ta Đạ M’Pô gu\ kâp điện, ma ngai đah nê nklăp 80 rnăk [on lan ta thôn Pang Pế Nậm, xã Đạ Rsal rêh tâm nâm trong rse trung thế ma ê geh do\ng điện ơm.

Wa Thái Văn Phúc, Kruanh UBND xã Đạ Rsal, nkuăl Đam Rông ân gi\t: Âk năm ma aơ, ăp rnăk [on lan do\ng bình ắc quy, u\nh kđen, lah rnakư geh oi ri nglăp do\ng nau duh bah măt nar. Yơn knu\ng geh mpoh du mlâm ver u\nh dơm:

‘Trong điện hăn rlet Thôn Đạ M’Pô tâm xã Đạ Rsar ri geh nklăp 80 rnăk nkre tuch tăm, nkre rêh a[aơ ê geh do\ng điện ơm. UBND xã ho\ r[u\n nchră [on lan dnrel geh săm [u\t njoăl tât nkuăl gay ma dăn hạ thế gay ma pă điện ân ăp rnăk tâm trong rse trung thế hăn rlet”.

Bôk nau kan pă điện ân nkuăl [on lan Đạ M’Pô geh UBND nkuăl Đam Rông jao ân Ntu\k mât nau kan ndrel do\ng ăp nau kan nsum bah nkuăl [ư tơm ntuh kơl. Yơn lah, bơi tât 3 năm aơ yor âk nau kol bah bôk nau kan aơ ê geh dơi pă điện ân ăp rnăk. Wa Nguyễn Hải Thái, Groi Giám đốc Ntu\k kan mât ndrel do\ng ndơ kan nsum nkuăl Đam Rông mbơh, yor lah trong hăn ro jêr, du đê| ntu\k ân geh tâm nchră tay đah ăp rnăk mhe ndâk n’gâng điện, yor ri ma nau kan bah bôk nau aơ geh khuch:

‘A[aơ, nkuăl ho\ ntuh kơl nkra trong trung thế lăp tât bôk thôn Đạ M’Pô. Nkô| nau bah nu\ih [on lan ê geh điện lah ê geh ndâk trạm hạ thế. Nkô| lah yor phung hên ân jêh ndrel du tơ\ đah nau nkra trong tâm [on lan, jêh rnôk nkra trong ri phung hên mra ntăm n’gâng hạ thế ndrel pă điện ân [on lan”.

Ntă di\ng jo\ nu\ih [on lan Đạ M’Pô mơ geh điện gay kơl an nau kan tuch tăm, đăp mpăn nau rêh, rklaih ach o, kon se mô hôm geh nti\m nti play săm [u\t tâm nâm u\nh kđen. Nê lah nau ôp ma ê geh nau ơh kloh ơm./.

Nu\ih rblang: H’Thi