VOV4. M’nông: Ta Jay Quốc hội mhe ƀư rơh hop tâl 4 Hội đồng bầu cử gưl neh dak. An tât rnôk dja, Hội đồng bầu cử gưl neh dak hŏ dơn geh 1.136 si ƀŭt nuĭh dâk tâm rlong đại biểu Quốc hội tâl 15 n'hanh 7.495 si ƀŭt bah nuĭh dâk tâm rlong đại biểu HĐND  gưl n'gor. Ủy ban Mặt trận Tổ quốc ăp gưl hŏ ƀư lôch jêh Tâm rkhăch tâl 2 gay nchih săk lor bôk năp nuĭh tâm rlong đại biểu Quốc hội n'hanh nuĭh tâm rlong đại biểu HĐND ăp gưl. Lah n'glôch jêh rơh hop, Kruanh Quốc hội Nguyễn Thị Kim Ngân, Kruanh Hội đồng bầu cử gưl neh dak an gĭt, Rơh hop tâl 4 Hội đồng bầu cử gưl neh dak hŏ ƀư lôch jêh ăp nkô̆ bôk nău kan ndơ̆ luh. Pah kan nchrăp bầu cử tât aƀaơ tâm lam dak hŏ n'hanh dôl an ƀư di pháp luật n'hanh đăp mpăn rnoh ngăch tĭng trong ndơ̆ luh, mô hŏ ntoh nkô̆ nău khuch tât rơh bầu cử. Kruanh Quốc hội dăn đă n'hao âk nkoch trêng tay, âk lơn, geh nău tam lơn an rơh tâm rkhăch tâl pe n'hanh an tât nar bầu cử 23/5 tât./.

Nuĭh rblang: Điểu Thân