VOV4.M’nông – Pakistan dôl ŭch mbra dơi dơn prăk ntop kơl khlay 1 rmen đôlar bah rmôt ăp jâng wăng sa hun hao n’hanh mhe hao G-20. Prăk aơ geh 785 rkeh đôlar wah rlu trok rnon me, n’hanh du gâl kơp trok prăk kon. Kruanh n’gâng kan wăng sa Pakistan an gĭt prăk ntop kơl rnon mbra kơl n’hŭch ăp nău khuch wăng sa rêh jêng bah srê Covid-19 kơt tŏng nău ŭch ndal bah jâng wăng sa. Ăp kruanh n’gâng kan prăk kaih n’hanh thống đốc ngân hàng trung ương rmôt G-20 tâm du nău mbơh nsum mhe aơ lĕ mbơh đah nău njong 6 khay n’glĕ dŭt tât khay 12/2021 gay kơl ăp dak dôl hun hao rdâng đah srê Covid-19. Ăp kruanh Pakistan dôl joi trong rlu prăk rnon nklăp 900 rkeh tât 1 rmen đôlar bah ăp nuĭh rnon ăp ding n’hanh mbra mbơh dăn đă na nê̆ jêh tâm nchră đah ăp n’gâng kan geh tât.

Nŭih rblang: Y Sưng Phê Ja