VOV4.M’nông: Công ty Điện lực Dak Nông mhe ƀư nar nkoch trêng têm nkrem điện ndrel mât đăp mpăn tâm ngih săm ƀŭt, đah nkô̆ “Kon se đah nau mĭn têm nkrem điện, đăp mpăn điện, nau kan điện tử” tâm ngih săm ƀŭt Tiểu học Nguyễn Bá Ngọc (nkuăl ƀon têh Gia Nghĩa). Ta nar aơ, kon se geh nkoch trêng, mbơh nkoch ăp nau gĭt mpeh nau dŏng điện, pă nau nkoch mbơh mpeh nau têm điện. Ăp kon se kŏ râng nau ôp, mbơh mpeh:

  Nkoch trêng mpeh nau têm nkrem điện.

  Nau dŏng ăp ntil ndơ dŏng điện tâm rnăk vâl mhâm ân geh đăp mpăn, têm nkrem, rnôk ma dôl geh dŏng điện âk…Di rnôk aơ, Công ty Điện lực Dak Nông hŏ pă 30 rkeh prăk ân ngih săm ƀŭt Tiểu học Nguyễn Bá Học gay ma kuih ntu dak kơl an nau ntĭm ndrel nti. Tĭng nau nchrăp, tâm khay 4 ndrel khay 5 năm 2021, PC Dak Nông mra tâm rgop nsum đah n’gâng kan ntĭm nti n’gor Dak Nông ƀư âk nau kan mbơh ntĭm dŏng điện têm ndrel ma đăp mpăn tâm ăp ngih săm ƀŭt tâm n’gor./.

Nŭih rblang: H’Thi