VOV4.M’nông: Bơi tât 2 khay jêh rơh săch nau kan liên bang, 3 đảng Dân chủ xã hội-SPD, Đảng Xanh ndrel Đảng dân chủ Tự do-FDP ta Đức hŏ dơi geh nau nchrăp tâm kêng măng lơ 24/11 mpeh nau ndâk du chính phủ liên minh mhe ta Đức. Tĭng nau nchrăp mhe tă dơi geh, Đảng SPD mra leo ntrong chính phủ liên minh ndrel nsưng kan bah Thủ tướng Đức kơt lah mra geh pă ân wa Olas Schol, rđau kan bah SPD. Tâm rnôk nê, ntoh măt bah đảng Xanh mra geh pă ƀư Kruanh n’gâng kan nchră nau ndrel Kruanh n’gâng kan ƀư nau kan mpeh trôk nar. Đảng Dân chủ Tự do-FDP mra mât ngoai tâm ăp N’gâng kan khlay ngăn nê lah Tơm prăk. Mpeh nau kan kơl an, chính phủ liên minh mhe ta Đức mra geh dơi ăp nau kan khlay, kơt nau mât nau plơ̆ tay nau rjăp mpeh tơm prăk tâm năm 2023, nsrŭng nau sŏng sah ônh ta Đức tâm năm 2030, rgâl ma năm 2038 kơt nau nchrăp bah năp nê./.

Nŭih rblang: H’Thi