VOV4.M'nông: Công ty dược phẩm Pfizer bah Mỹ nar 07/10 hŏ dăn ngăn si ƀŭt dŏng ngăch vaccine njrăng n'gang Covid-19 bah he an kon se ntơm bah 5 tât 11 năm deh. Pfizer n'hanh băl tâm boh bah he lah BioNTech an gĭt hŏ njuăl rgum geh nău lư ntop kơl gay dăn đă bah he hao tât Cục Mât uănh ndơ sa n'hanh dak si Mỹ (FDA) n'hanh nhih pah kan dja nchrăp mbra dơn nău dăn đă  bah Pfizer nar 26/10. Nău n'glêh an ngăn mbra dơi mbơh tâm kêng dŭt khay 10 mô lah khay 11. Ăp me bơ̆ kon se ta Mỹ dôl mpŏng kâp nău n'glêh an bah FDA yor nău dja mbra kơl mât njrăng đăp mpăn bah nklăp 28 rkeh kon se nti tâm năm deh ntơm bah 5 tât 11 năm deh n'hanh ton đăp mpăn tâm ăp nău kan bah ăp  nhih nti lam dak Mỹ. Kon se dŭt đêt mpơl nău  ji jru lôch geh ntưp Covid-19 yơn lah đah nău ntoh bah ntil Delta, bơi 30 rbăn kon se ta Mỹ ân lăp nhih dak si tâm khay 8 mhe aơ. Tât aƀaơ mhe geh du ntil vaccine bah Pfizer dơi uănh an dŏng ngăch an kon se ntơm bah 12 tât 15 năm deh ta Mỹ./.

Nuĭh rblang: Điểu Thân