VOV4.M’nông: Pháp ntơm lơ 16/12 hŏ ntrŭnh nau ƀư rjăp ăp nau lăp gŭ đah ăp năch tă bah dak Anh tât tâm rnôk dôl geh kman Omicron dôl ma ntưp rêng ngăch tâm gôl dak aơ. Chính phủ Pháp kơp njrăng tât kan nchâp đă ân geh chuh vắc xin njrăng rdâng srê Covid-19 ân lam ƀon lan. Nŭih ntoh ngơi bah Chính phủ Pháp wa Ga-bri-el At-tal mbơh, ntơm lơ 18/12, ăp năch tă bah dak Anh ân geh săm ƀŭt xét nghiệm mô geh ntưp ma srê tâm 24 mông. Jêh rnôk lăp dak, ăp nŭih bu năch aơ mra nchâp ân geh hăn nkhah tâm 7 nar. Jêh lôch nar nkhah, bu năch Anh kŏ knŭng dơi hăn luh bah dih tâm 48 mông jêh rnôk geh xét nghiệm mô ntưp đah Covid-19. Chính phủ Pháp kŏ đă năch tă bah dak Anh ân geh nkô̆ nau ngăn khlay mơ dĭng ân pă săm ƀŭt lăp tâm dak nơm./.

Nŭih rblang: H’Thi