VOV4.M’nông – Pơh bah năp, ăp kruanh dak Mỹ n’hanh châu Âu lĕ ntrŭt nău ƀư tâm rnglăp nchră nău gay ntrŭt đă Iran plơ̆ tâm nchră gay rdâk njêng tay tâm ton hạt nhân năm 2015. Ta rơh mâp mpôl ntoh măt tâm nchră hạt nhân bah Iran ta Têhêran mhe aơ, Mpôl ntoh măt  bah Liên minh châu Âu đă ăp rơh tâm nchră mpeh nău rdâk hao tâm ton hạt nhân Iran, Enrrique Mora lĕ ntrŭt đă Iran plơ̆ tay tâm nchră ta Viên lor dŭt khay 10 aơ. Châu Âu klach rvê mpôl ntoh măt tâm nchră mhe bah Iran, tâm rnôk tổng thông mhe dơi an lah tĭng trong rhăt dăng, dơi ndơ̆ ăp trong mkra mhe lam hvi ăp ndơ lĕ dơi tâm ton. Kruanh nchră nău Mỹ Antony Blinken tâm rơh mâp đah nuĭh tâm ban gưl kan bah Ixrael n’hanh ăp Tiểu vương quốc Ả Rập Thống nhất, mbơh đŏng, Mỹ nchrăp uănh mĭn tay “ăp nău săch” lah Iran mô nchrăp plơ̆ tay tâm ton hạt nhân năm 2015.

 Nŭih rblang: Y Sưng Phê Ja