VOV4.Mnông – Tĭng bôk nău kan, nar ôi taơ 24/3, rơh rƀŭn n’glĕ dŭt bah Quốc hội khóa 14 mbra ntơm ƀư, n’hanh nchrăp pah kan tâm 12 nar. Tâm nĕ, dŭt âk mông nar rơh rƀŭn gay pah kan nuĭh kan. Quốc hội mbra an rgop mpeh nău mbơh pah kan năm kan khóa 14 bah Quốc hội; năm kan 2016-2021 bah Kruanh dak, Chính phủ, TAND gưl prêh, Viện KSND gưl prêh, Kiểm toán Ngih dak. Bah meng nĕ lah uănh lah tay nău mbơh an Nghị quyết rơh rƀŭn tal 11, Quốc hội khóa 11; Luật njrăng n’gang ma túy (nkra rgâl).

Ngih rƀŭn Diên Hồng tâm Ngih Quốc hội Việt Nam

Quốc hội mbra ƀư mô hôm săch Kruanh dak Nguyễn Phú Trọng, Thủ tướng Chính phủ Nguyễn Xuân Phúc, Kruanh Quốc hội Nguyễn Thị Kim Ngân; nkre săch nuĭh kan ndơn tay ƀư ăp nău kan aơ đah trong nklach phiếu mpôn. Kruanh dak mhe, Thủ tướng Chính phủ, Kruanh Quốc hội mbra mbơh dơn nău kan jêh rnôk dơi Quốc hội săch.

Nuĭh rblang: Y Sưng Phê Ja