VOV4.M’nông – Nar 17/3, ta Hà Nội, Quân ủy Trung ương, N’gâng kan mât njrăng bri dak ƀư mâp măt nuĭh druh ndăm ntoh lư, nuĭh druh ndăm têh jêng lam tahen năm 2020. Đại tướng Ngô Xuân Lịch, Groi bí thư Quân ủy Trung ương, Kruanh N’gâng kan mât njrăng bri dak râng n’hanh ƀư tơm nả mâp măt. Năm 2020, trong kan đoàn n’hanh ntrong leo druh ndăm ƀư lam tâm tahen đah âk nkô̆ nău, trong ƀư uĕh, mĭn nkra mhe.  Druh ndăm tahen lĕ nsrôih mkra ăp jêr jŏt, rgum soan tâm rlong, hăn lor ƀư dơi nău kan chính trị bah ngih pah kan, ntŭk kan. Năm 2020, gưl bah lơ tât bah dâng rnê rhơn bơi 2.000 nuĭh druh ndăm ntoh lư; tâm Quân ủy Trung ương-N’gâng kan mât njrăng bri dak rnê rhơn 313 nuĭh druh ndăm ntoh lư; Hội đồng gưl lam tahen lĕ săch 10 nuĭh druh ndăm ntoh lư n’hanh 10 nuĭh druh ndăm hao jêng. Ta nar mâp măt, Đại tướng Ngô Xuân Lịch lĕ an ntrŭnh n’hao grat sĩ quan lor tât năm n’hanh săch quân nhân chuyên nghiệp đah 4 đồng chí dơi geh rnê nuĭh druh ndăm ntoh lư lam tahen năm 2020.

Nŭih rblang: Y Sưng Phê Ja