VOV4. M’nông: Kêng măng (2/4), đah lơn âk nuĭh ŭch, Quốc hội hŏ n'hơr ti an dŏng Nghị quyết mpeh nău an rlu ƀư Kruanh dak Cộng hòa Xã hội Chủ nghĩa Việt Nam đah wa Nguyễn Phú Trọng. Nghị quyết dơi Quốc hội uănh dŏng n'glêh an nsum: an rlu ƀư Kruanh dak Cộng hòa xã hội Chủ nghĩa Việt Nam năm kan 2016-2021 đah wa Nguyễn Phú Trọng. Nghị quyết geh nău tam dŏng kơp ntơm bah rnôk Quốc hội sơch geh kruanh dak mhe. Tâm năm kan bah he, Kruanh dak Nguyễn Phú Trọng êng uănh khlay tât kruanh rđău kan, rđău đă pah kan rdâk njêng Đảng, rdâk njêng lam trong kan chính trị kloh uĕh, nâp dăng, nkre nsrôih tâm rơh rlăch ndăng, njrăng  n'gang sa khâm, mpŭng lir, khuch djơh. Tâm kêng măng ntri đŏng, Ủy ban Thường vụ Quốc hội nchih mbơh săk gay Quốc hội sơch kruanh dak. Lôch nê, ăp nuĭh ntơh măt tâm nchră ta Rmôt mpeh trong nchrăp nuĭh kan gay sơch ƀư Kruanh dak./.

Nuĭh rblang: Điểu Thân