VOV4.M’nông: Lŏ bôk nar pah kan, lơ 30/3, Uỷ ban Rnâng kan Quốc hội mbơh Quốc hội mô hôm kan đah Kruanh Quốc hội, Kruanh Hội đồng săch kan neh dak. Tĭng nau kan ôi 30/3, rơh rƀŭn tal 11 Quốc hội gưl 14 nchră ta ngih rƀŭn mbơh ăp nau kan năm kan 2016-2021 bah Ngih phat dôih ƀon lan gưl prêh, Viện kiểm sát ƀon lan gưl prêh. Kêng măng 30/3, Ăp ntoh măt Quốc hội tâm nchră ta ngih rƀŭn mpeh nau mô hôm kan Kruanh Quốc hội, Kruanh Hội đồng săch kan neh dak, yơr ty nchră nau Luật njrăng, rdâng ma tuý (rgâl nkra). Uỷ ban Rnâng kan Quốc hội mbơh nau mpeh tâm nchră tâm rmôt ndrel mbơh, djăt nau bah ntoh măt Quốc hội mpeh nau mô hôm kan Kruanh Quốc hội, Kruanh Hội đồng săch kan neh dak đah nau ân nklăch phiếu mpôn. Kŏ tâm kêng măng 30/3, Quốc hội mra tâm nchră ta rmôt mpeh nau nchrăp rnoh nŭih gay ma săch ƀư Kruanh Quốc hội, Kruanh Hội đồng săch kan neh dak./.

Nŭih rblang: H’Thi