VOV4.M’nông – Nthoi tay rơh rƀŭn tal 11, ôi 2/4, Quốc hội lĕ nsơr ty mbơh an Nghị quyết đah mô hôm săch ƀư Thủ tướng Chính phủ dak Cộng hòa xã hội Chủ nghĩa Việt Nam đah wa Nguyễn Xuân Phúc. Nghị quyết dơi Quốc hội mbơh an đah âk đại biểu Quốc hội tâm ban ŭch. Ndơn măt Quốc hội, Kruanh Quốc hội Vương Đình Huệ lah uĕh n’hanh an nkao wa Nguyễn Xuân Phúc. Ta năp nĕ, Tổng Bí thư, kruanh dak Nguyễn Phú Trọng lĕ nkoch nău mbơh bah năp Quốc hội. Sam ƀŭt mbơh nkoch kloh, ta rơh rƀŭn bôk năp Quốc hội khóa 14, wa Nguyễn Xuân Phúc dơi Quốc hội nsing nơm săch ƀư Thủ tướng. Tâm năm ƀư nău kan, Thủ tướng Chính phủ Nguyễn Xuân Phúc lôch uĕh nău kan dơi jao. Dơi saơ năm kan 2016-2021 lah du năm dŭt khlay, Chính phủ ƀĭt joet “neh dak Việt Nam” hăn rlău âk jêr jŏt geh âk nău uĕh lăng. Tâm ôi 2/4, Ủy ban Thường vụ Quốc hội mbơh an Quốc hội mô hôm săch Kruanh dak; ăp đại biểu hăn nklăch phiếu mpôn n’hanh djăt Ủy ban Thường vụ Quốc hội mbơh săch đă săch an Quốc hội săch kruanh dak.

Nuĭh rblang: Y Sưng Phê Ja