VOV4.M’nông: Quốc hội Pháp lơ 6/1 hŏ nchră luật ntrơn “săm ƀŭt ân hăn dak si” jêng “Thẻ ẻ” đah nkô̆ nau ƀư rjăp ăp nau dơi kon nŭih đah ăp nŭih ê geh chuh vắc xin njrăng srê Covid-19. Jêh 3 nar tâm nchră, nau nchrăp luật “thẻ vaccine” hŏ geh nchră jêh rnôk ndơn geh âk nau dơi bah ăp ntoh măt tâm 2 đảng nŏng êng. Tĭng nkô̆ nau bah nau nchrăp luật, nklăp 5 rkeh nŭih ƀon lan Pháp ntơm 12 năm hao gŏ lơ lah ê geh chuh vắc xin mra mô dơi geh tât ntŭk ƀư pâl n’aih kơt ngih tăch ndơ sa, ngih tăch cà phê, ngih ndah phim...mô lah dŏng ndeh hăn nsum âk nŭih. Rgâl êng du ntil tâm nau nchrăp luật nê lah nau n’hao rnoh năm geh thẻ vaccine ntơm 12 năm jêng 16 năm đah kon se gay geh nau dơi râng ăp nau kan ba dih. Nau nchrăp luật kŏ geh nau ƀư n’hao nau mhal đah nau tih dŏng săm ƀŭt dak si ƀư rlăm./.

Nŭih rblang: H’Thi