VOV4. M’nông: Nthoi tay nar pah kan bah Rơh hop 11, nar aơ (31/3), Quốc hội pah kan ta Hội trường n'hanh ntêm an lĕ rngôch mông nar an pah kan nchrăp nuĭh kan, dăp rgum tay ăp tŏng lĕ rngôch kruanh rđău kan bah Quốc hội.

Ta ntŭk kan Kruanh Quốc hội, wa Vương Đình Huệ - Uỷ viên Bộ Chính trị, Bí thư Thành ủy Hà Nội, Bí thư Bộ Tư lệnh Thủ đô, Kruanh mpôl Đại biểu Quốc hội nkual ƀon têh Hà Nội lah nuĭh dơi nchih săk mbơh gay Quốc hội sơch ƀư kruanh rgâl an wa Nguyễn Thị Kim Ngân dơi Quốc hội an rlu kan. Tâm rơh pah kan bah ôi, Ủy ban Thường vụ Quốc hội mbơh Quốc hội lôch jêh tâm nchră ta Mpôl  n'hanh mbơh rblang, djăt nău rgop bah đại biểu Quốc hội mpeh nchrăp nuĭh kan gay sơch ƀư Kruanh Quốc hội, Kruanh Hội đồng Bầu cử gưl neh dak. Lôch nê, Quốc hội tâm nchră, n'hơr ti ŭch an dŏng săk nchih n'hanh sơch Kruanh Quốc hội, Kruanh Hội đồng Bầu cử gưl neh dak ma trong nklăch phiếu ndâp. Tâm rơh pah kan nar aơ, Ủy ban Thường vụ Quốc hội mbơh rblang Quốc hội an rlu du đêt Groi kruanh Quốc hội nkre mbơh săk nchih gay đă nuĭh hao rgâl kan./.

Nuĭh rblang: Điểu Thân