VOV4. M’nông: Nthoi tay rơh hop tâl 11, Quốc hội khóa 14, nar aơ (06/04), Quốc hội pah kan tay mpeh nkô̆ nchrăp nuĭh kan. Na nê̆, bah ôi, Quốc hội mbra an rlu nău kan Groi kruanh dak, du đêt ủy viên Ủy ban Thường vụ quốc hội, Chủ nhiệm du đêt Ủy ban bah Quốc hội, Tổng Thư ký Quốc hội, Tổng kiểm toán Ngih dak. Lôch nê, Kruanh dak mbra mbơh săk gay đă Quốc hội sơch Groi kruanh dak; Ủy ban Thường vụ Quốc hội mbơh săk gay đă Quốc hội sơch du đêt ủy viên Ủy ban Thường vụ Quốc hội. Ăp đại biểu Quốc hội mbra tâm nchră ta Mpôl mpeh trong nchrăp nuĭh kan gay sơch nuĭh ƀư Groi kruanh dak, du đêt ủy viên Ủy ban Thường vụ Quốc hội n'hanh kêng măng mbra sơch ăp nuĭh kan dja ma trong nklăch phiếu ndâp. Tâm kêng măng đŏng, Ủy ban Thường vụ Quốc hội mbơh săk đă gay Quốc hội sơch ƀư Chủ nhiệm du đêt Ủy ban bah Quốc hội, Tổng Thư ký Quốc hội, Tổng kiểm toán Ngih dak./.

Nuĭh rblang: Điểu Thân