VOV4. M’nông: Tâm nar 01/04, Quốc hội tâm nchră ta hội trường mpeh si ƀŭt mbơh pah kan năm kan 2016-2021 bah Kiểm toán Ngih dak; tâm nchră mpeh quy định rnoh âk đại biểu way kan bah Hội đồng nhân nkual ƀon têh Hà Nội năm kan 2021- 2026. Si ƀŭt mbơh mpeh pah kan bah Kiểm toán Ngih dak năm kan 2016- 2021 an saơ, Kiểm toán Ngih dak hŏ tĭng ƀư trong nchrăp kơp nđăp đah âk nău dơi ntoh lư, rgop khlay ƀư lôch jêh trong kơl, njrăng n'gang, nking nchăng sa khâm, mpŭng lir n'hanh êt lhăt nău way, nău phiăn neh dak, n'hao nău dơi tam mât bôk kan; dŏng prăk kaih, drăp ndơ nsum. Na nê̆, tâm nkah ndray, Kiểm toán Ngih dak dăn đă nkra rnoh prăk rlău 353 rbăn 700 rmen prăk; ndơ̆ 20 nău tih geh ma nău sa khân tât nhih pah kan Cảnh sát hăn ôp uănh gay ƀư kloh n'hanh nkra rmal tĭng di quy định bah pháp luật. Mpeh jêh geh tĭng ƀư nău dăn đă kơp nđăp, năm kan 2016 -2021, rnoh dăn đă mpeh nkra prăk kaih bah Kiểm toán Ngih dak hŏ dơi ăp đơn vị tĭng ƀư lah rlău 237 rbăn 500 rmen prăk, geh 73,6% lĕ rngôch rnoh dăn đă; âk si ƀŭt hŏ dơi Chính phủ, ăp n'gâng kan n'hanh ăp n'gor ntlơi jăng, rgâl nkra, kơi ntop tĭng nău dăn đă bah Kiểm toán Ngih dak./.

Nuĭh rblang: Điểu Thân