VOV4.M’nông – Nthoi tay bôk nău kan rơh rƀŭn tal 11, rơh rƀŭn lĕ rngôch ta Ngih rƀŭn nar 26/3, Quốc hội lĕ tâm nchră mpeh nău mbơh trong kan năm kan khóa 14 bah Quốc hội; ăp nău mbơh trong kan năm kan khóa 14 bah Ủy ban Thường vụ Quốc hội, Hội đồng Dân tộc, ăp ủy ban bah Quốc hội. Nău rgop ntoh ngơi bah ăp đại biểu Quốc hội mĭn lah, uănh tay tâm 5 năm, Quốc hội khóa 14 lĕ n’hao lĕ nău kan, nsrôih, dŭt âk gay jêh uĕh nău kan. Năm kan Quốc hội khóa 14 lĕ lôch uĕh đah âk săk rnglăy lĕ rngôch ăp nău kan bah ndâk njêng pháp luật, groi nđôi, ntrŭnh an nău khlay bah neh dak tât tâm rnglăp nchră nău nghị viện, rgop ndŏ neh dak nâp nâl rlet rlău jêr jŏt, nta an rgâl uĕh, nâp dăng tâm nău rêh wăng sa-rêh jêng, mât njrăng bri dak, rnă njrăng, tâm rnglăp nchră nău bah dih, rgâl uĕh n’hanh n’hao nău rêh nuĭh ƀon lan. Ăp nău ntrŭnh bah Quốc hội ntoh bah nău mĭn, nău ŭch bah nuĭh ƀon lan, nău uĕh an neh dak, rnoi mpôl, bah nău ŭch hun hao bah neh dak.

Nuĭh rblang: Y Sưng Phê Ja