VOV4.M’nông: Lŏ bôk nau kan bah rơh rƀŭn tal 11, Quốc hội gưl 14, kêng măng 31/3, đah nau rđau kan bah Kruanh Quốc hội mhe Vương Đình Huệ, Quốc hội hŏ yơr ty nchră 3 nau ntrŭnh mpeh nau mô hôm ân kan đah 3 Groi kruanh Quốc hội. Quốc hội ntrŭnh: Mô hôm ân kan đah Groi Kruanh Quốc hội gưl 14 đah wa Tòng Thị Phóng, wa Uông Chu Lưu ndrel wa Phùng Quốc Hiển. Nau ntrŭnh aơ geh nau tam ntơm rnôk Quốc hội yơr ty. Jêh nê, Uỷ ban Rnâng kan Quốc hội mbơh rnoh moh săch gay ân Quốc hội săch Groi Kruanh Quốc hội ndrel tâm nchră mpeh nŭih ân geh săch ƀư Groi Kruanh Quốc hội. Nar aơ, Uỷ ban rnâng kan Quốc hội mbơh nau Quốc hội geh nchră tâm rmôt ndrel mbơh, djăt nau bah ntoh măt Quốc hội mpeh nŭih gay ma săch ƀư Groi Kruanh Quốc hội. Quốc hội săch du đê̆ nŭih Groi Kruanh Quốc hội đah nau nklăch phiếu. Jêh nê, Quốc hội tâm nchră ta ngih rƀŭn mpeh nau kan năm 2016-2021 bah Kiểm toán ngih  dak./.

Nŭih rblang: H’Thi