VOV4.M’nông – Ôi nar 4/8, lĕ ƀư Rƀŭn nchră pơk sŏng dăng Kruanh tâm rnglăp nchră nău ASEAN-Hoa Kỳ. Aơ lah nău ƀư tâm rnôk rƀŭn nchră Kruanh n’gâng kan nchră nău ASEAN rơh tal 54 n’hanh ăp Rƀŭn nchră geh tât. Ntoh ngơi ta rƀŭn nchră, Kruanh nchră nău Antony Blinken mĭn lah n’gâng kan Tổng thống Biden uănh khlay tâm boh kan ndrel đah ASEAN, kơl tâm rnglăp, tâm ban ŭch, nău ƀư ta nklang bah ASEAN n’hanh Nău mĭn êng bah ASEAN mpeh Ấn Độ Dương-Thái Bình Dương, ntrŭt tâm boh kan ndrel ngăch prăl, săk rnglăy đah ASEAN tĭng nău tâm ryơk ndrel, Ndrel ndâk njêng du nkual pơk hvi, lam lĕ rngôch n’hanh hun hao uĕh lăng. Kruanh nchră nău Hoa Kỳ mĭn lah Hoa Kỳ mbra hăn lor ntrôl kan ndrel rdâng tay Covid-19, nsrôih n’hao ngăch nkra njêng, đăp mpăn pă vaccine tŏng ăp, đăp mpăn n’hanh săk rnglăy.

Nuĭh rblang: Y Sưng Phê Ja