VOV4.Mnông – Ôi 16/3, ta ntŭk Chính phủ, Thủ tướng Nguyễn Xuân Phúc ơư tơm rƀŭn nchră lam dak n’glôch jêh 5 năm pah kan bah Rmôt kan bah Thủ tướng Chính phủ. Đah trong way ƀư ndâk njêng Chính phủ liêm chính, nâp nâl, nău ƀư, rhŏ an nuĭh ƀon lan n’hanh doanh nghiệp, Thủ tướng lĕ geh nău mĭn ƀư mhe Rmôt pah kan bah Thủ tướng tâm khay 8/2016 n’hanh rmôt kan tơm gay ƀư nău way kan bah Chính phủ. Uănh lah prêh Rmôt pah kan lĕ ƀư uĕh nău kan Thủ tướng jao, Thủ tướng an lah, Rmôt kan lĕ geh nău khlay, rgop dŭt n’hâm tâm nău lôch uĕh tâm ntĭm rđau ƀĭt joet bah Chính phủ, Thủ tướng Chính phủ tâm năm kan aơ. Yơn lah, Thủ tướng đă ăp n’gâng kan nău kan, ăp n’gor mô dơi thơ tha, mô dơi ơm ŭch đah săk rnglăy dơi geh, an ntĭm rđau tay, ntrôl dăng mbơh ƀư nău kan dơi jao. Ăp Kruanh n’gâng kan an ntrŭt mkra lôch rnon ơm tĭng nău ntrŭnh na nê̆, jao an ăp nău uĕh lăng ngăn an năm kan Chính phủ mhe.

Nuĭh rblang: Y Sưng Phê Ja