VOV4.M’nông – Nar 26/3, Rơh rƀŭn tal 18 HĐND n’gor Lâm Đồng khóa 15 lĕ mbơh an Nghị quyết trong ƀư ntuh kơl ndâk njêng nău nchrăp ƀư trong cao tốc Tân Phú (n’gor Đồng Nai)-Bảo Lộc (n’gor Lâm Đồng) đah dĭng lĕ ntuh kơl lvang 1 lah 16.408 rmen prăk. Nău nchrăp ƀư aơ geh dĭng lĕ jong 67 km, tâm nĕ geh 11km hăn rlău nkuăl Tân Phú bah n’gor Đồng Nai, 56 km hôm ƀa ƀă hăn rlău ăp nkuăl Đạ Huoai, Đạ Tẻh, Bảo Lâm n’hanh TP Bảo Lộc bah n’gor Lâm Đồng. Têh trong 22m đah 4 mpor ndeh ô tô, 2 mpor rlu ndeh ndal. Nău nchrăp ƀư dơi pă 2 lvang, tâm nĕ lvang 1 dơi ƀư bah năm 2021 tât 2025. Dĭng lĕ ntuh kơl lvang 1 bah nău nchrăp ƀư 16.408 rmen prăk, tâm nĕ tơm prăk ngih dak nklăp 6.500 rmen prăk, hôm ƀa ƀă prăk bah nuĭh ntuh kơl rgŏ jă.

Nuĭh rblang: Y Sưng Phê Ja