VOV4.M’nông – Măng nđaơ, rlău 500 sinh viên Lào, Campuchia dôl nti ta TPHCM lĕ râng nău ƀư tâm nđŭr văn hóa nkhêp di Tết way ơm Bunpimay (Lào) n’hanh Chol Chnam Thmay (Campuchia). Bôk nău ƀư yor Thành đoàn TPHCM tâm rgop đah Tổng Lãnh sự quán Lào n’hanh Tổng Lãnh sự quán dak Campuchia ta TP HCM ƀư. Aơ lah nău ƀư geh nău uănh mĭn, mât rong an sinh viên Lào, Campuchia dôl tĭng nti ăp ngih sam ƀŭt đại học ta nkual ƀon têh HCM tâm rơh Tết way ơm Bunpimay bah Lào n’hanh Chol Chnam Thmay bah Campuchia ƀư tâm n’gul khay 4 ăp năm. Nău ƀư tâm nđŭr aơ hôm nta an đoàn viên druh ndăm TPHCM, sinh viên Lào n’hanh sinh viên Campuchia geh rơh mĭn joi gĭt mpeh lịch sử tâm boh Việt Nam-Lào-Campuchia, rgop mât an tâm rnglăp way ơm, nău tâm boh dăch dêh đah druh ndăm 3 dak.

Nŭih rblang: Y Sưng Phê Ja