VOV4.M’nông: Nau tât khuch bah srê Covid-10 tal 2 ndrel ma ăp nau nchueng rdâng, nau nkân njrăng srê ji hŏ khuch hô ngăn tât ăp nŭih pah kan bah Ấn Độ tâm khay 4. Rlau 7,5 rkeh nŭih ƀon lan dạk aơ roh kan pah, tâm rnôk rnoh nŭih roh ngăn kan pah ri âk ngăn kơp ntơm bôk năm, đah rnoh 8%. Aơ lah nau geh mĭn mbơh bah ntŭk kan kơp uănh nau kan văng sa Ấn Độ (CMIE) mbơh lơ 3/5. Nau kan dôl ma rvê ngăn aơ mra hôm lŏ ntoch jong yor Ấn Độ hôm rdâng đah ăp nau khuch bah srê Covid-19. Nau mbơh aơ ndơn lah. Rđil ma khay 3, ntŭk pah kan bah Ấn Độ tâm khay rlau aơ roh 7,5 rkeh kan pah. Nua geh aơ ƀư rnoh mô geh kan pah hao âk, rnoh 7,97% nau geh bah lam dak./.

Nŭih rblang: H’Thi