VOV4. M’nông: Rnâng kan Tỉnh ủy pah kan đah Ủy ban bầu cử n'gor Lâm Đồng mpeh rnoh ngăch pah kan bầu cử Đại biểu quốc hội khóa XV n'hanh Đại biểu HĐND ăp gưl n'gor Lâm Đồng năm kan 2021-2026. Tât rnôk dja, pah kan bầu cử ăp gưl bah n'gor tât xã, phường dơi ƀư tĭng di rnoh ngăch da dê n'hanh di nău way. Lam n'gor Lâm Đồng hŏ ƀư geh nău dơi tâm rkhăch tâl 2, lôch nê tâm ban ŭch nchih săk 13 nuĭh tâm rlong đại biểu quốc hội, 131 nuĭh tâm rlong đại biểu HĐND n'gor, đại biểu HĐND gưl nkuâl nkual ƀon têh lah 800 nuĭh, gưl xã phường, thị trấn lah 6.624 nuĭh. Nău sŏk nău rgop nuĭh ƀon lan ntŭk he gŭ rêh đah nuĭh tâm rlong Đại biểu quốc hội n'hanh đại biểu HĐND ăp gưl dôl ƀư răp jăp, lhăt di tĭng quy định. Kruanh rđău kan Tỉnh uỷ Lâm Đồng njrăng đă ân ntrôl ngăch tĭng ƀư ăp njuat hăn tay bah pah kan bầu cử, ntrôl dăng tay pah kan nkoch trêng nău lư jru hvi gay ƀon lan gĭt nău khlay bah rơh bầu cử./.

Nuĭh rblang: Điểu Thân