VOV4.M’nông: Măng lơ 21/3, Trung ương Đoàn druh ndăm Cộng sản Hồ Chí MInh hŏ ƀư nau rnê nkhôm ân 10 nŭih ntoh lư mom Việt Nam năm 2020. Aơ lah ăp nŭih gĭt blau ngăn tâm nŭih mom Việt Nam ntoh lư lah nau dơi khlay bah Trung ương Đoàn gay ma pơk nau nsôih hun hao phung mom ndrel ma ntrŭt dăng nau tâm rlong ntĭm nti, mĭn njêng khoa học, pah kan, blau mhe tâm mom ndăm, mât nâp ndrel hun hao ntŭk kan Đoàn, Hội, Đội ndrel ân rgum nau uănh khlay bah nau rêh đah ăp nau kan ntĭm nti, mĭn njêng ân phung mom. Ăp nŭih ntoh lư mom geh rnê lah ăp nŭih njêng nau rgum, nau kan têh tâm nau kan rnơm nau nsôih bah săk nơm đah ăp nau kan mhe. Tâm rnoh 10 nŭih ntoh lư mom năm 2020, mô knŭng lah ăp nŭih mom tâm dak ma hôm geh druh ndăm Việt Nam tâm dak ba dih hŏ lah rjăp nau dơi tâm âk nau kan./.

Nŭih rblang: H’Thi